دمشق(این پی جی میڈیا) ٹینکوں اور بکتر بند گاڑیوں پر مشتمل امریکی فوجی دستہ عرب اسلامی ملک شام میں داخل ہوگیا ہے۔
نئے امریکی صدر جوبائیڈن نے عہدہ سنبھالتے ہی اپنے جارحانہ عزائم ظاہر کردئیے ہیں۔ غیر ملکی خبر رساں ایجنسی کے مطابق امریکی فوج ایک بار پھر شام جیسے جنگ زدہ علاقے میں داخل ہوگئی ہے جبکہ اس سے قبل ٹرمپ حکومت نے جنگ زدہ شام سے اپنی فوج نکال لی تھی۔
سابق امریکی صدر ڈونلڈ ٹرمپ نے دنیا بھر کے جنگ زدہ علاقوں سے اپنی فوج نکالنے کی پالیسی کے تحت گزشتہ برس شام سے بھی اپنی فوج نکال لی تھی۔ تاہم اب جوبائیڈن حکومت نے دوبارہ سے اپنی فوج شام بھیج دی ہے۔
یہ فوجی دستہ عراق کے راستے سے شام میں داخل ہوا۔ جبکہ ایک اور فوجی دستہ بذریعہ ہیلی کاپٹر شام پہنچ چکا ہے۔