لاہور(این پی جی میڈیا )صارفین کی شدید تنقید کام کرگئی،واٹس ایپ کمپنی ’یوٹرن‘ لینے پر مجبور ہوگئی اور ڈیٹاشیئرنگ پالیسی میں تبدیلی موخرکردی۔
غیر ملکی میڈیا رپورٹس کے مطابق دنیا کی سب سے بڑی مفت میسجنگ ایپ واٹس ایپ کو آخر کار ہوش آگیا اور ڈیٹا شیئرنگ پالیسی موخر کردیا اور یہ فیصلہ صارفین کے ڈیٹا شیئرنگ سےمتعلق خدشات کےپیش نظر کیا گیا۔
واٹس ایپ نے تنقید کے بعد ڈیڈ لائن 8 فروری سےبڑھاکر15مئی کردی۔کمپنی کی جانب سے کہا گیا کہ پالیسی پر نظر ثانی کیلئے صارفین کی رائے بھی شامل کریں گے۔
واٹس ایپ کمپنی کی جانب سے واضح کیا گیا ہے کہ ڈیڈ لائن میں تاخیر اس لئے کی گئی ہے کیونکہ پالیسی کو لیکر کافی ’ الجھن‘ اور ’غلط فہمی‘ پیدا ہوگئی ہے ۔
کمپنی کی جانب سے مزید کہا گیا کہ نئی پالیسی اپ ڈیٹ میں لوگوں کو واٹس ایپ پر اپنے کاروبار کے نظم و ضبط کو طریقے سے چلانے کیلئے صرف نئے آپشنز شامل ہیں اور "فیس بک کے ساتھ ڈیٹا شیئر کرنے کی ہماری صلاحیت میں اضافہ نہیں کیا گیا۔