دنیا کے مہنگے ترین محل کی قیمت جان کر آپ حیران رہ جائیں گے

امریکی ریاست لاس اینجلس میں دی ون نامی مینشن کی قیمت 55 ارب روپے لگائی گئی ہے۔
تفصیلات کے مطابق دی ون نامی مینشن کو دنیا کا سب سے مہنگا ترین محل قرار دیا جا رہا ہے جو خوابوں کے محل کا روپ دھار گیا ہے۔ محل میں اکیس کمرے اور بیالیس واش رومز ہیں۔ گھر کی قیمت 55 ارب روپے مقرر کی گئی ہے۔
محل کی تعمیر میں آٹھ سال کا وقت لگا اس کا رقبہ ایک لاکھ پانچ ہزار اسکوائر فٹ ہے۔ لاس اینجلس میں بنائے گئے محل کی تعمیر میں 600 مزدوروں نے حصہ لیا۔
دی ون نامی مینشن میں 5 سوئمنگ پولز ، تیس گیراج ، چار باؤلنگ ایریا ، 30 سیٹوں پر مشتمل مووی تھیٹر اور فلاحی سرگرمیوں کیلئے بھی جگہ مختص ہے۔
محل کی خوبصورتی یہ ہے کہ یہ پہاڑوں میں گھیرا ہوا ہے اور محل دور سے دیکھنے پر پانی میں تیرتا ہوا نظر آتا ہے۔ اس کا رقبہ ایک لاکھ پانچ ہزار مربع فٹ ہے۔ محل کو اندر سے سادہ فرنیچر اور تصاویر کے ساتھ انتہائی خوبصورتی سے سجایا گیا ہے۔
خوبصورت مناظر اور روشنی کیلئے دیواروں میں شیشے کا بہت زیادہ استعمال کیا گیا ہے۔ محل کی قیمت 2014 میں فروخت ہونے والے سب سے مہنگے گھر سے بھی دوگنی رکھی گئی ہے۔ اس سے قبل 2014 میں نیویارک میں گھر 22 ارب روپے سے زائد میں فروخت کیا گیا تھا۔