دبئی :کھیلوں کی عالمی تنظیم (آئی سی سی )کی جانب سے کئے گئے سروے میں پاکستانی وزیراعظم عمران خان نے بھارتی کپتان ویرات کوہلی کو شکست دے دی جس کو بھارتیوں نے دھاندلی قرار دیدیا۔
تفصیلات کے مطابق گزشتہ روز آئی سی سی نے ’ پیس سینٹر ‘ کے عنوان سے ایک پول ٹوئٹ کیا جس میں بھارتی کپتان ویرات کوہلی، جنوبی افریقہ کے اے بی ڈی ویلیئرز، آسٹریلوی خاتون کرکٹر میگ لیننگ اور پاکستان کے سابق کپتان عمران خان کا نام دیتے ہوئے لکھا گیا کہ یہ وہ کرکٹر ہیں جن کی بیٹنگ یا بائولنگ اوسط، کپتان بننے کے بعد بہتر ہوئی ہے۔
انٹرنیشنل کرکٹ کونسل نے سوال پوچھا کہ اُن کے خیال میں ان چاروں افراد میں سے کس نے کپتان بننے کے بعد بہترین کارکردگی دکھائی ہے جبکہ صارفین کو اپنی آرا کا اظہار کرنے اور اس پولنگ میں حصہ لینے کے لیے 24 گھنٹوں کا وقت دیا گیا تھا۔
اس پولنگ میں پانچ لاکھ سے زیادہ افراد نے حصہ لیا مگر سب سے دلچسپ بات سوشل میڈیا پر پاکستانی اور بھارتی صارفین کے درمیان ہونے والی نوک جھونک تھی۔
Captaincy proved a blessing for some extraordinary cricketers ??
Their averages improved as leaders ?
You decide which of these ‘pacesetters’ were the best among these geniuses! pic.twitter.com/yWEp4WgMun
— ICC (@ICC) January 12, 2021
گذشتہ روز جب پولنگ شروع ہوئی تھی تو ابتدا میں پاکستانی ٹیم کے سابق کپتان عمران خان 49 فیصد کے ساتھ واضح برتری لیے ہوئے تھے لیکن آہستہ آہستہ موجودہ بھارتی کپتان ویرات کوہلی کے ووٹ بڑھتے چلے گئے۔
Lastly, Imran Khan, one of Pakistan’s greatest and leader of the 1992 @cricketworldcup triumph ? pic.twitter.com/LyrZiybD4y
— ICC (@ICC) January 12, 2021
آخری لمحات میں یہ مقابلہ بڑا سنسنی خیز ہو گیا اور پولنگ کا وقت ختم ہونے سے 17 منٹ قبل تک ویرات کوہلی کو ایک فیصد کی برتری حاصل تھی۔لیکن جاوید میانداد کے آخری چھکے کی طرح ڈرامائی انداز میں عمران خان کے چاہنے والوں نے بھی ووٹ ڈالنے میں اپنا زور لگایا اور بازی لے گئے۔
پولنگ میں پاکستان کے سابق کپتان اور موجودہ وزیر اعظم عمران خان کامیاب قرار پائے ہیں۔ اس پولنگ میں پانچ لاکھ سے زیادہ افراد نے اپنی رائے کا اظہار کیا اور عمران خان کے حق میں 47 فیصد ووٹ آئے۔
Who would you rate as the best among these giants?
— ICC (@ICC) January 12, 2021
صارفین کا اس موقع پر تبصرہ کرنا تھا کہ عمران خان تاریخ کے بہترین آل راؤنڈرز میں سے ایک ہیں اور ان کا کوئی مقابل نہیں جبکہ دوسری جانب کوہلی کے حمایتیوں کا کہنا تھا کہ کپتانی کا بوجھ لے کر ان سے بہتر بلے باز اور کوئی ہے ہی نہیں۔
اس جیت کے بعد تو صارفین کے علاوہ عمران خان کی جماعت پاکستان تحریک انصاف کے اپنے وزرا اور ممبران بھی ٹوئٹر پر آن موجود ہوئے اور آئی سی سی کی اس پولنگ کی بنیاد پر اپنے رہنما کی شان میں گُن گانے لگے۔
پاکستان تحریک انصاف کے اپنے ٹوئٹر ہینڈل سے ٹویٹ کی کہ عمران خان کا موازنہ انڈیا کے وراٹ کوہلی سے کرنا درست نہیں کیونکہ عمران خان نہ صرف کرکٹر ہیں بلکہ کینسر ہسپتال اور یونیورسٹی کے بانی بھی ہیں۔
لیکن دوسری جانب بھارتی صارفین نے پولنگ پر اپنے شکوک کا اظہار کیا کہ اتنا کم وقت رہنے پر عمران خان کی جیت کیسے ہو گئی جبکہ وہ کوہلی سے پیچھے تھے۔