ممبئی : انڈین کیپٹن ویرات کوہلی اور انوشکا شرما نے گزشتہ برس اگست میں اعلان کیا تھا کہ وہ جنوری میں والدین بننے والے ہیں اور اب ان کے ہاں ننھی پری کی پیدائش ہوئی ہے۔
تٖفصیلات کے مطابق ویرات کوہلی نے اپنے انسٹاگرام اکاؤنٹ پر جاری پوسٹ میں ننھی پری کی آمد کی اطلاع دی۔
— Virat Kohli (@imVkohli) January 11, 2021
انہوں نے اپنے چاہنے والوں کو خوشخبری دیتے ہوئے بتایا کہ میں یہ اعلان کرتے ہوئے پرجوش ہوں کہ آج دوپہر ہمارے ہاں بیٹی کی پیدائش ہوئی ہے انوشکا اور بچی دونوں خیریت سے ہیں۔
مداحوں کا شکریہ ادا کرتے ہوئے ویرات نے مزید لکھا کہ آپ کی نیک تمناؤں، پیار اور دعاؤں کا شکرگزار ہوں۔
بھارتی کرکٹ اسٹار نے بتایا کہ انوشکا اور ان کی بیٹی دونوں تندرست ہیں اور وہ اپنی زندگیوں کے اس نئے باب کے آغاز پر بہت زیادہ خوشی محسوس کررہے ہیں۔
خیال رہے کہ ویرات کوہلی اور اداکارہ انوشکا شرما نے اگست 2020 میں سوشل میڈیا اکاؤنٹس پر اپنے مداحوں کو ٰیہ خوشخبری دی تھی۔
بولی وڈ اداکارہ انوشکا شرما نے انسٹاگرام اور ٹوئٹر پر اپنی پوسٹس میں لکھا تھا کہ ‘اور پھر ہم 3 ہیں’۔
And then, we were three! Arriving Jan 2021 ❤️? pic.twitter.com/iWANZ4cPdD
— Anushka Sharma (@AnushkaSharma) August 27, 2020
دوسری جانب بھارتی کرکٹر ویرات کوہلی نے بھی اسی کیپشن کے ساتھ پوسٹ کی اور بتایا تھا کہ ان کے ہاں جنوری 2021 میں ننھے مہمان کی آمد متوقع ہے۔
یاد رہے کہ ویرات کوہلی اور انوشکا شرما نے دسمبر 2017 میں اٹلی میں شادی کی تھی، ان کی شادی کی تقریبات میں صرف خاندان کے افراد اور قریبی دوست شریک ہوئے تھے۔