دبئی:آئی سی سی نے ٹیسٹ کی نئی عالمی رینکنگ جاری کردی،نیوزی لینڈ کے کپتان کین ولیمسن رینکنگ میں پہلی پوزیشن پر آ گئے جبکہ پاکستان کے بابر اعظم کی پانچویں پوزیشن برقرار ہے۔
How it started v how it’s going ? pic.twitter.com/XKyEJUgUAS
— ICC (@ICC) December 31, 2020
تفصیلات کے مطابق کھیلوں کی بین الاقوامی تنظیم (آئی سی سی )کی جانب سے جاری کردہ نئی ٹیسٹ رینکنگ میں بتایا گیا کہ کیوی کپتان کین ولیمسن پاکستان کے خلاف زبرست کارکردگی کے بعد فہرست میں پہلی پوزیشن پر براجمان ہوگئے ہیں اور انہوں نے بھارتی کپتان ویرات کوہلی کو پچھاڑ کر دوسرے نمبر پر دھکیل دیا ہے جبکہ آسٹریلیا کے سٹیو سمتھ تیسرے نمبر پر چلے گئے ہیں۔
اس فہرست میں مارنوس لابو شین کا چوتھا نمبر ہےجبکہ پاکستان کے بابر اعظم کی پانچویں پوزیشن برقرار ہے۔
ٹاپ ٹین میں بابر اعظم پاکستان کے واحد کھلاڑی ہیں جبکہ ٹیسٹ بائولروں کی رینکنگ میں آسٹریلیا کے پیٹ کمنز پہلے نمبر پر موجود ہیںاورٹاپ ٹین میں پاکستان کا کوئی بائولر موجود نہیں،آسٹریلیا کےمچل سٹارک ٹاپ فائیو بائولروں میں آگئے ۔
?? Mitchell Starc enters top five
?? R Ashwin jumps to No.7
?? Jasprit Bumrah becomes No.9Latest update in the @MRFWorldwide ICC Test Rankings ? https://t.co/OMjjVwOboH pic.twitter.com/RLU1nMpfoV
— ICC (@ICC) December 31, 2020
بھارت کے ایشون دو درجے برتری کے بعد ساتویں نمبر پر آ گئے۔ جسپریت بھمرا نویں نمبر پر آ گئے ہیں۔
آل رائونڈرز کی رینکنگ میں انگلینڈ کے بین سٹوکس پہلے نمبر پر موجود ہیں،نیوزی لینڈ کے کائل جیمیسن ٹاپ ٹین آل رائونڈرز میں آ گئے ہیں۔