ممبئی (این پی جی میڈیا):بھارتی اداکار اور ایکشن ہیرو اکشے کمار کی والدہ ارونا بھاٹیا شدید علالت کے باعث اس دنیا سے کوچ کرگئیں۔
اکشے کمار نے اپنی والدہ کے انتقال کی تصدیق سوشل میڈیا سائٹس ٹوئٹر اور انسٹاگرام پوسٹس کے ذریعے کی۔
اداکار نے اپنی ٹوئٹ میں لکھا کہ ’آج میں ایک ناقابل برداشت درد محسوس کررہا ہوں، میری ماں محترمہ ارونا بھاٹیا آج صبح اس دنیا سے رخصت ہوگئیں اور میرے والد کو دوسری دنیا میں دوبارہ مل گئیں۔
قبل ازیں گزشتہ روز انہوں نے اپنی والدہ کی صحت یابی کے لیے دعاؤں کی درخواست کی تھی۔
اکشے کمار نے کہا تھا کہ یہ مجھ سمیت میرے اہلخانہ کے لیے بہت مشکل وقت ہے، آپ کی ہر دعا ہماری بہت مدد کرے گی۔