لاہور (این پی جی میڈیا): ٹوکیو پیرالمپکس میں مردوں کے ڈسکس تھرو مقابلے میں پاکستان کے حیدر علی نے تاریخ رقم کر دی۔
پاکستان کے حیدر علی نے پیرالمپکس ڈسکس تھرو مقابلےمیں گولڈ میڈل جیتا، حیدر علی نے تیسری باری میں 47.84 میٹر کی تھرو کی جبکہ پانچویں باری میں 55.26 کی تھرو کے ساتھ گولڈ میڈل جیتا۔
حیدر علی پیرالمپکس میں گولڈ میڈل جیتنے والے پہلے پاکستانی ہیں، حیدر علی نے اس سے قبل بھی پاکستان کے لیے دو پیرالمپکس میڈل جیت رکھے ہیں۔اس بات پر وزیراعلیٰ پنجاب عثمان بزدار نے چیمپین حیدر علی کو خراج تحسین پیش کیا۔