افغان طالبان کے ترجمان ذبیح اللہ مجاہد نے امریکی اور غیر ملکی انخلاء کے بعد تاجروں سے ملک میں سرمایہ کاری کا مطالبہ کیا۔
البان کے ترجمان ذبیح اللہ مجاہد نے انخلا کی خوشی میں منعقدہ تقریب سے خطاب کرتے ہوئے تاجروں کو مکمل تحفظ اور مواقع فراہم کرنے کی یقین دہانی کراتے ہوئے اُن سے سرمایہ کاری کرنے کا مطالبہ کیا۔اُن کا کہنا تھا کہ ’تاجروں،سرمایہ کاروں کو اقتصادی مسائل کے حل میں شامل ہوناچاہیے، نئی حکومت غیرملکیوں کو بھی افغانستان میں سرمایہ کاری کی طرف راغب کرنے کی کوشش کرے گی۔
ذبیح اللہ مجاہد نے کہا کہ ’افغانستان کے تمام شہریوں کو معاف کرچکے ہیں، ملک کی کی تعمیر و ترقی کیلئے سب کو مل کر کردار ادا کرنا ہوگا۔یاد رہے کہ کل بیس برس بعد کابل سے امریکی فوج کا مکمل انخلا ہوا، غیرملکی افواج کے جانے کے بعد کابل سمیت افغانستان کے دیگر علاقوں میں جشن منایا گیا اور علاقے ہوائی فائرنگ سے گونج اٹھے جبکہ آتشبازی سے آسمان روشن بھی ہوا۔