پاکستان سپر لیگ میں کوئٹہ گلیڈی ایٹرز کے سرفراز احمد اور لاہور قلندر کے فاسٹ بولر شاہین شاہ آفریدی کے درمیان میدان میں ہونے والے گرما گرمی تو ٹھنڈی پڑ گئی لیکن اب سوشل میڈیا پر یہ بحث اپنے عروج پر پہنچ گئی ہے۔
کسی نے سرفراز احمد پر تنقید کی تو کسی نے شاہین شاہ آفریدی کو سینیئر کی عزت کرنے کی ہدایت کی۔
ابو ظبی کی سخت گرمی اور پی ایس ایل کے سنسنی خیز میچز ، بولرز ہوں یا بیٹسمین اس شدید گرمی میں ان کیلئے غصے پر کنٹرول رکھنا بھی مشکل ہوجاتا ہے، کوئٹہ گلیڈی ایئٹرز اور لاہور قلندزر کے میچ میں بھی کچھ ایسا ہی ہوا۔
A heated moment between Sarfaraz Ahmed & Shaheen Shah Afridi after Shaheen bowled a bouncer to Sarfaraz! in todays Quetta vs Lahore match.
PSL 2021#LQvQG#QGvLQ#QGvLQ pic.twitter.com/KRNK3dWE7K— Rizwan Ali (@RizAlisays) June 15, 2021
شاہین شاہ آفریدی نے پہلے سرفراز احمد کو باؤنسر کیا ،گیند ہیلمٹ پر لگی، سرفراز احمد نے ہاتھ کے اشارے سے شاہین آفریدی کو ٹھنڈا رہنے کے لیے کہا جس پر شاہین آفریدی اور سرفراز احمد میں جملوں کا تبادلہ ہوا۔
کمنٹری کے دوران رمیز راجا نے کہا کہ سرفراز احمد ، شاہین کو کہہ رہے ہیں کے باؤنسر نہ کریں۔
سرفراز نے ایسا کہا یا کچھ اور اس کا جواب تو سرفراز یا شاہین ہی دے سکتے ہیٕں لیکن سوشل میڈیا پر اس جھگڑے کو لے کر بحث شروع ہوگئی ہے۔
کسی نے سرفراز کو تنقید کا نشانہ بنایا تو کسی نے شاہین آفریدی کو سینیئرز کی عزت کرنے کا مشورہ دیا۔
یہ بھی حقیقت ہے کہ ابو ظبی کی گرمی میں تھوڑی بہت گرما گرمی ہو ہی جاتی ہے یہی وجہ ہے کہ پی ایس ایل ہر سال مقبول ہوتی جارہی ہے لیکن صرف لڑائی جھگڑوں کی وجہ سے نہیں بلکہ کچھ ایسے مناظر بھی فینز بے حد پسند کرتے ہیں۔