بھارت نے ٹی ٹونٹی ورلڈ کپ کی میزبانی کیلئے 28 جون تک مہلت مانگ لی
تفصیلات کے مطابق آئی سی سی نے بھارتی بورڈ سے 28 جون تک ورلڈ کپ میزبانی کیلئے فائنل جواب مانگ لیا۔
بھارت کورونا صورتحال دیکھ کر آئی سی سی کو ورلڈ کپ پر جواب دے گا
واضح رہے کہ رواں سال ٹی 20ورلڈ کپ بھارت میں شیڈول ہے۔ جبکہ کھیلوں کے تجزیہ کار اور تجربہ کار صحافی آدیش گپت کہتے ہیں کہ بھارت ایک طرف جہاں آئی پی ایل میں وبا سےتحفظ کے لیے، “بائیو ببل کے انتظام میں بری طرح ناکام رہا وہیں ماہرین ایک تیسری کورونا لہر کے بارے میں بھی خبردار کر رہے ہیں، تو اس صورت میں ٹی20 ورلڈ کپ کا بھارت میں ہونا بہت مشکل ہے۔
یاد رہے کہ بھارتی میڈیا پہلے ہی بھارت میں ایونٹ کے انعقاد کو مشکل قرار دے چکا ہے۔ قبل ازیں سابق آسٹریلوی کرکٹر مائیک ہسی نے یو اے ای کو میزبانی کے لیے بہترین آپشن قرار دیا ہے۔
ان کا کہنا تھا کہ ٹی ٹوینٹی ورلڈ کپ میں تو زیادہ ٹیمیں ہوں گی جبکہ بھارتی لیگ میں آٹھ ٹیمیں تھیں، میچز مختلف بھارتی شہروں میں ہوں گے تو کورونا کا خطرہ مزید بڑھ جائے گا۔