واشنگٹن:امریکی وزیر خارجہ انتونی بلنکن نے کہا ہے کہ دہشتگردی کے خطرات افغانستان سے دوسری جگہوں پرمنتقل ہوچکے ہیں ایک انٹرویو میں افغانستان سے امریکی افواج کے انخلا سے متعلق سوال پر انہوں نے کہا کہ القاعدہ کمزور پڑ چکی ہے۔
امریکہ کے خلاف القاعدہ کے افغانستان سے حملوں کے امکان کا خطرہ نہیں ، دہشتگردی کے خطرات افغانستان سے دوسری جگہوں پرمنتقل ہوچکے ہیں ۔انہوںنے کہا کہ امریکا اب چین سے تعلقات، ماحولیاتی تبدیلیوں، کورونا وبا جیسے اہم معاملات پر کام کرے گا۔
انہوں نے کہا کہ اب ہمارے ایجنڈا میں چین سے تعلقات، ماحولیاتی تبدیلی ، کورونا جیسے دوسرے اہم معاملات شامل ہیں، ہم اپنی طاقت اور وسائل اب ان معاملات میں صرف کریں گے۔
افغانستان سے جو مقاصد حاصل کرنا تھے امریکہ وہ مقاصد حاصل کرچکا ہے، ہماری انٹیلی جنس افغانستان کے معاملات اور ممکنہ خطرات پر نظر رکھے گی۔