کراچی (این پی جی میڈیا)کورونا وائرس سے متاثرہ کیٹگری ‘سی’ ممالک سے مسافروں کی پاکستان آمد کے معاملے پر سول ایوی ایشن اتھارٹی (سی اے اے ) نے کمنٹیٹر رمیز راجہ کو وطن واپس آنے کا اجازت نامہ جاری کردیا۔
پاکستان کرکٹ بورڈ کی درخواست پر سی اے اے نے رمیز راجہ کو وطن واپس آنے کی اجازت دی۔رمیز راجہ پاک جنوبی افریقہ کرکٹ سیریز کے لیے 26 مارچ کو جنوبی افریقہ گئے تھے۔ پاکستانی کمنٹیٹر رمیض راجہ 18اپریل کو قطر ایئرویز کی پرواز سے لاہور پہنچیں گے ۔ سی اے اے کا کہنا ہے کہ رمیز راجہ کو وطن واپسی پر کورونا وائرس کی ایس او پیز پر عملدرآمد لازمی کرنا ہوگا۔جس کے مطابق کمنٹیٹر کوکورونا ٹیسٹ اور گھر میں سات سے دس روز قرنطینہ کرنا ہوگا۔