47سالہ ملائکہ اروڑاکی فٹنس نے مداحوں کو حیران کردیا

ممبئی:عمر 47سال اور فٹنس 16سال کی جوان لڑکیو ں جیسی،بھارتی فلموں کی اداکارہ ملائکہ اروڑا نے اپنی فٹنس سے سب کو حیران کردیا۔

تفصیلات کے مطابق بالی ووڈ میں آئٹم سانگ سے’منی بدنام ہوئی ڈارلنگ تیرے لئے‘ سے شہرت کی بلندیوں پر پہنچنے والی دبنگ خان سلمان خان کی سابقہ بھابھی ملائکہ اروڑا نے ایک مرتبہ پھر اپنی فٹنس کو ثابت کرنے کیلئے ایسی تصویر شیئر کردی ہے کہ دیکھنے والے دیکھتے ہی رہ جائیں۔

ارباز خان کے ساتھ 19سال کے بعد طلاق لینے والی اداکارہ ملائکہ اروڑا جو کہ اپنی علیحدگی کے بعد اداکار ارجن کپور کے ساتھ ہر جگہ ڈیٹ کرتی نظر آتی ہیں گاہے بگاہے اپنے مداحوں کو سوشل میڈیا کے ذریعے اپ ڈیٹ کرتی نظر آتی ہیں۔

اگر دیکھا جائے تو اداکارہ اپنی فٹنس کو لیکر کبھی بھی کمپرومائز نہیں کرتی ہیں اور جم میں ایکسرسائز کرتے ہوئے اپنی تصاویر اور ویڈیوز سماجی رابطے کی ویب سائٹ انسٹاگرام پر اپ لوڈ کرتی رہتی ہیں ،جن کو دیکھ کر ان کے مداح بھی تعریف کئے بنا نہیں رہتے اوران کی فٹنس کو خوب سراہتے ہیں۔

ملائکہ اروڑا نے ایکسرسائز کرتے ہوئے اپنے سب سے پسندیدہ فٹنس پوز کے بارے بھی اپنے مداحوں کو بتایا اور چیلنج دیا کہ آپ بھی یہ ایکسرسائزکرنے کے بعد اپنی تصویر ’ملائکہ موو آف دی ویک‘ کے نام سے ٹیگ کرکے انسٹاگرام پر شیئر کریں۔

بالی ووڈ اداکارہ کی اس تصویر کو سوشل میڈیا صارفین کی جانب سے کافی پسند بھی کیا جارہا ہے اور ان سے فٹنس کے متعلقہ مشورے بھی پوچھے جارہے ہیں۔

یاد رہے کہ ملائکہ نے 7 ستمبر کو سوشل میڈیا پر پوسٹ شیئر کی تھی جس میں اپنے پرستاروں کو کورونا میں مبتلا ہونے کی خبر دی تھی، تاہم انہوں نے یہ بھی کہا تھا کہ وہ اپنے آپ کو تندرست محسوس کر رہی ہیں۔

بالی وڈ اداکارہ ملائکہ اروڑا کا دو ہفتوں کے بعد کورونا وائرس ٹیسٹ منفی آیا جس کے بعد وہ قرنطینہ سے نکل کراپنے گھر والوں میں گھل مل گئ تھیں جبکہ انہوںنے رئیلٹی شو انڈیاز بیسٹ ڈانسرمیں دوبارہ بطور جج اپنے فرائض انجام دینے شروع کردیے تھے۔

بھارتی اداکارہ نے سوشل میڈیا پر اپنے مداحوں کے نام ایک پیغام میں خوشخبری سنائی تھی کہ وہ مکمل طور پر صحت یاب ہیں اور کورونا وائرس کو شکست دینے کے بعد اپنے کمرے سے باہر کی دنیا میں واپس آگئی ہیں۔

انہوں نے اپنی پوسٹ میں لکھا کہ موذی وائرس کو ہرانے پر میں خود کو خوش قسمت سمجھتی ہوں اور مشکل وقت میں ساتھ دینے والے معالجین، اہل خانہ اور مداحوں کا خصوصی شکریہ ادا کرتی ہوں۔

خیال رہے کہ بالی ووڈ اداکارہ ملائکہ اروڑا 23اکتوبر1973 کو چیمبور،مہاراشٹر بھارت میں پیدا ہوئیں،انہوں نے بالی

ووڈ کے معروف اداکار ارباز خان سے 1998 میں شادی کی جبکہ 2017 میں دونوں کے درمیان طلاق ہوگئ اور دونوں کے دو بچے ہیں۔

ملائکہ اروڑا کے والد کا نام انِل اروڑاجبکہ والدہ کا نام جائس پالی کارپ ہے جبکہ ان کی ایک بہن ہیں جن کا نام امریتا اروڑا ہے۔

47سالہ ملائکہ اروڑاکی فٹنس نے مداحوں کو حیران کردیا

وزیراعلیٰ پنجاب کا معاملہ، حمزہ شہباز نے فل کورٹ بینچ بنانے کی درخواست دائر کردی

’میچ فکسنگ کی طرح بینچ فکسنگ بھی ایک جرم ہے‘، حکمران اتحاد کا فل کورٹ بنانے کا مطالبہ

بارشوں سے متعلق محکمہ موسمیات کی اہم پیشگوئی

اہم شاہراہ پر بینرز اور پرچم لگانے پر پابندی عائد

سپریم کورٹ ،دعازہرا کی عمر کے حوالے سے درخواست پر تحریری فیصلہ جاری دعا زہرا کی عمر کے حوالے سے سندھ ہائیکورٹ کی آبزرویشن رکاوٹ نہیں ہوگی،تحریری فیصلہ

Related posts