اسلام آباد: (این پی جی میڈیا) قومی کرکٹ ٹیم کے بلے باز اور پروفیسر کے نام سے مشہور محمد حفیظ نے تینوں فارمیٹ میں پاکستان ٹیم کے لئے عمدہ کھیل پیش کیا اور اب انہوں نے اپنے فینز کے ساتھ ایک ویڈیو شئیر کرتے ہوئے نئے پارٹنر کے مل جانے کا انکشاف کیا ہے۔
میڈیا رپورٹس کے مطابق قومی کرکٹ ٹیم کے بہترین بلے باز سینئر آل راؤنڈر محمد حفیظ کے شاندار سٹروک اور چھکوں کو باولرز کبھی نہیں بھولے اور اپنی عمدہ پرفارمنس کی بدولت وہ کئی ریکارڈ بھی اپنے نام کرچکے ہیں۔
سماجی رابطے کی ویب سائٹ ٹوئٹر پر محمد حفیظ نے ایک ویڈیو شئیر کی ہے جس کے کیپشن میں انہوں نے لکھا ہے کہ سپر سٹار آپ کو خوش آمدید اور ہیش ٹیگ کا استعمال کرتے ہوئے مزید لکھا ہے کہ شاہین شاہ آفریدی! میرے اگلے گالف پارٹنر ہیں۔
Welcome to the superstar ?@iShaheenAfridi to the world of Golf ?️♂️. My next partner on the course ?? pic.twitter.com/UzdoKsgzf1
— Mohammad Hafeez (@MHafeez22) April 8, 2021
سوشل میڈیا پر موجود اس ویڈیو میں دیکھا جاسکتا ہے کہ سپرسٹار فاسٹ باولر شاہین شاہ آفریدی گالف شارٹ کھیل کرمسکرارہے ہیں، شاہین شاہ نے محمد حفیظ کے ٹوئٹ پر ردعمل دیتے ہوئے کہا کہ حفیظ بھائی کے ساتھ گولف سیشن میں بہت مزہ آیا۔ انہوں نے کہا کہ میں نے گولف سے زیادہ محمد حفیظ کی کمنٹری سے لطف اٹھایا۔