کیلفورنیا: (این پی جی میڈیا) سماجی رابطے کی مقبول ترین ایپ واٹس ایپ نے اپنے ڈیسک ٹاپ صارفین کیلئے ایسا فیچر متعارف کروادیا ہے جس نے ان کی بڑی مشکل کو دور کردیا ہے۔
عالمی میڈیا رپورٹس کے مطابق فیس بک کی زیر ملکیت میسجنگ ایپ واٹس ایپ نے اپنی سرگرمیوں پر نظر رکھنے والی ویب سائٹ ویب بیٹا انفو سے ایک ٹوئٹ کی ہے جس کے مطابق اب تمام صارفین کے لیے ڈیسک ٹاپ پر بھی واٹس ایپ وائس اور ویڈیو کالز کرنا ممکن ہوگا۔
@WhatsApp voice and video calls are now available on desktop for everyone.
WhatsApp is rolling out these official status updates right now. pic.twitter.com/7viKLjqWnz
— WABetaInfo (@WABetaInfo) April 8, 2021
واٹس ایپ کی جانب سے صارفین کو واٹس ایپ کے ڈیسک ٹاپ ورژن سے متعلق نئے فیچر سے آگاہ کرنے کے لیے ایپلیکیشن پر اسٹیٹس اپ ڈیٹ کرنے کا سلسلہ بھی جاری ہے۔
واضح رہے کہ گزشتہ چند روز قبل واٹس ایپ کی جانب سے تصدیق کی گئی تھی کہ جلد ہی ڈیسک ٹاپ ورژن پر وائس اور ویڈیو کالز کا فیچر متعارف کروا دیا جائے گا جو کہ صارفین کے لیے کسی بڑی خوشخبری سے کم نہیں۔