کیلفورنیا: (این پی جی میڈیا) ٹیکنالوجی کی معروف کمپنی گوگل نے اپنے پلے اسٹور سے وہ ایپلیکیشن ہٹانے کا فیصلہ کرلیا جسے اب تک کروڑوں صارفین استعمال کررہے ہیں۔
عالمی میڈیا رپورٹس کے مطابق گوگل نے اپنے اسٹور پر موجود ’گوگل وائی فائی‘ نامی ایپلیکیشن کو بند کرنے کا فیصلہ کیا ہے جبکہ اس ایپلیکیشن کو دنیا بھر میں موجود کروڑوں صارفین ڈاؤن لوڈ کرچکے ہیں۔
ماہرین کے مطابق اس ایپ کی وجہ سے اینڈرائیڈ صارفین کا ذاتی ڈیٹا غیر محفوظ ہے اس لیے انتظامیہ نے فیصلہ کیا ہے کہ گوگل پلے اسٹور سے جلد اس ایپلیکیشن کو ختم کردیا جائے۔
ٹیکنالوجی ماہرین کے مطابق کمپنی نے ایپلی کیشن استعمال کرنے والے صارفین کو خطرات سے آگاہ کرنا شروع کردیا ہے اور انہیں بتایا کہ جلد اس کو مستقل طور پر ہٹا دیا جائے گا۔
واضح رہے کہ گوگل نے مذکورہ کمپنی کو 25 مئی تک خدشات دور کرنے اور جواب جمع کرانے کی ہدایت کی ہے، اگر مذکورہ تاریخ تک جواب نہ آیا تو گوگل اس ایپ کو پلے اسٹور سے ہٹا دے گا جسے اینڈرائیڈ اور آئی او ایس دونوں آپریٹنگ سسٹم استعمال کررہے ہیں۔