واشنگٹن: امریکی صدر جو بائیڈن نے امریکی معیشت کو بہتر بنانے کے لیے تعمیر وترقی کے بڑے مںصوبے کا اعلان کردیا ہے۔
غیر ملکی خبررساں ایجنسی کے مطابق امریکی صدر نے ملکی معیشت کو بحالی اور پرانے انفراسٹکرچر کو بہتر بنانے کے لیے دو کھرب ڈالر کا بڑا منصوبہ پیش کیا ہے۔ انھوں نے اس مںصبوبے کو خلائی دوڑ کا نام دیا ہے۔
کھربوں ڈالر کے اس منصوبے میں وعدہ کیا گیا ہے کہ اس کے تحت ٹرانسپورٹ کو بہتر بنانے کے ساتھ ساتھ نہ صرف لاکھوں ملازمتیں دی جائیں گی بلکہ بڑی کمپنیز سے ٹیکسز کی مد میں سرمایہ بھی اکٹھا کیا جائے گا۔
گزشتہ روزصدر جو بائیڈن نے امریکی ریاست پینسلوینیا میں ٹریڈ یونین ہال سے خطاب کیا۔ اس دوران ان کا کہنا تھا کہ ان کا یہ منصوبہ 8 سالوں پر مشتمل ہے جس سے امریکی عوام کے لیے ملازمتوں کے نئے مواقع پیدا ہوں گے۔
بائیڈن نے مزید کہا کہ یہ ایک ایسا منصوبہ ہے جو کئی نسلوں تک چلتا ہے اور ایک ہی بار پیش کیا جاتا ہے۔ایسا منصوبہ شاید ہی عوام نے کبھی دیکھا ہوگا۔