واشنگٹن: امریکہ ایک بار پھر گولیوں سے گونگ اٹھا ہے۔
غیرملکی خبر رساں ایجنسی کے مطابق امریکی پولیس کا کہنا ہے کہ کیلیفورنیا کے شوٹنگ کمپلیکس میں نامعلوم شخص نے فائرنگ کرکے بچے سمیت 4 افراد کو ہلاک کردیا ہے۔
تفصیلات کے مطابق اپنے آفیشل فیس بک پیج پر اس واقعے کی اطلاع دیتے ہوئے اورنج پولیس ڈیپارٹمنٹ نے بتایا ہے کہ تقریبا 5:30 بجے پولیس کی نفری جائے وقوعہ پر پہنچی تو موقع پر ہی متعدد افراد فائرنگ کی ذد میں آکر ہلاک ہوچکے تھے۔
تاہم حملہ آور کو زخمی حالت میں گرفتار کر کے تفتیش شروع کر دی گئی ہے۔
جبکہ عینی شاہدین کا کہنا ہے کہ 4 افراد کے ہلاک ہونے کے علاوہ ۲ افراد شدید زخمی بھی ہیں۔
خیال رہے کہ اس سے قبل گذشتہ روز امریکی ریاست جارجیا میں فائرنگ کے تین واقعات میں آٹھ افراد ہلاک ہو گئے تھے اور ہلاک ہونے والوں میں 6 ایشیائی خواتین بھی شامل تھیں۔