نیو یارک: گوگل میپ پر اب ٹریفک کے ساتھ ساتھ آلودگی کا بھی اندازہ لگایا جا سکے گا ۔ گوگل میپس میں نئے فیچر کی آزمائش شروع کر دی گئی ہے ۔
انٹرنیشنل میڈٰیا کے مطابق اب گوگل میپس پر موسم کی تبدیلی اور آلودگی کا بھی تعین کیا جا سکے گا ۔ صارفین اب پہلے ہی اپنے لیے ماحول دوست راستوں کا انتخاب کر سکیں گے ۔ اس فیچر کو گوگل میپس میں اس سال کے آخر تک شامل کیا جائے گا ۔
اس سے قبل فیس بک اور گوگل نے اپنے صارفین کی بڑی مشکل آسان کرنے کیلئے اعلان کیا تھا کہ وہ جنوب مشرقی ایشیاء میں انٹرنیٹ کی رفتار کو تیز کرنے کیلئے جلد زیر سمندر کیبل کا جال بچھائے گے ۔
انٹرنیشنل میڈیا کے مطابق ان منصوبوں میں سنگاپور ، انڈونیشیا اور شمالی امریکا کو گوگل اور علاقائی ٹیلی کمیونیکیشن کمپنیوں کے ساتھ منسلک کرنے کیلئے دو نئے زیر سمندر کیبلز تیار کی جائے گی تاکہ ان ممالک کو انٹر نیٹ کی تیز ترین فراہمی دی جا سکے ۔
میڈٰیا رپورٹ کے مطابق ایکو اور بائفر وسٹ نامی یہ پہلی دو کیبلیں ہوں گی جو انٹر نیٹ کو مزید 70 فیصد تک تیز کریں گی ، یہ منصوبہ 2023 تک مکمل کیا جائے گا ۔