نئی دہلی: بالی وڈ اداکار کی بھارت کے دارالحکومت نئی دہلی میں آدھی رات کو لڑائی کی ویڈیو سوشل میڈیا پر وائرل ہوگئی ہے۔
بھارتی میڈیا رپورٹس کے مطابق وائرل ہونے والی ویڈیو دو گروپ میں آدھی رات کو ہونے والی لڑائی کی ہے جس میں بالی ووڈ کے سپر سٹار اجے دیوگن کی پٹائی ہورہی ہے۔
تفصیلات کے مطابق واقعے کے وقت اجے دیوگن نشے کی حالت میں تھے اور ان کا کار پارکنگ کے معاملے پر ایک شخص سے جھگڑا ہوگیا، آس پاس موجود لوگ بھی لڑائی کا حصہ بن گئے اور اجے دیوگن کی خوب دھلائی کرڈالی۔
حالانکہ سوشل میڈیا پر وائرل ہونے والی ویڈیو میں یہ صاف دکھائی نہیں دے رہا کہ یہ واقعی اجے دیوگن ہی ہیں جبکہ سوشل میڈیا پر صارفین ملتی جلتی شخصیت کے باعث اداکار کی پٹائی کا دعوی کرتے دکھائی دے رہے ہیں۔
سماجی رابطے کی ویب سائٹ ٹویٹر پر ایک صارف نے ویڈیو شئیر کرتے ہوئے اس کے عنوان میں لکھا کہ مجھے نہیں پتہ کہ یہ اجے دیوگن ہیں یا نہیں۔ صارفین کی رائے کا حوالہ دیتے ہوئے للت کمار کا کہنا تھا کہ سوشل میڈیا پر یہ ویڈیو پھیل رہی ہے جس میں اجے دیوگن کے ہونے کا دعوی کیا جارہا ہے۔
Not really sure if this is #ajaydevgan or not but #Kisanektamorcha agitation seems to be spreading up. Social media floating with this video that drunk @ajaydevgn got beaten up?? #RakeshTikait pic.twitter.com/Fv8j0kG5fv
— lalit kumar (@lalitkumartweet) March 28, 2021
تحقیقات کے مطابق ویڈیو نئی دہلی میں واقعہ اندراگاندھی ایئرپورٹ کے پاس بنے ایروسٹی کی ہے جہاں گزشتہ رات پارکنگ کو لے کر دو گروپ کے درمیان لڑائی شروع ہوگئی اور دیکھتے ہی دیکھتے یہ لڑائی اتنی بڑھ گئی کہ متعدد لوگ اس میں شامل ہوگئے اور ایک شخص کی مل کر دھلائی کرنے لگے۔
واضح رہے کہ تحقیقات کے بعد یہ بات ثابت ہوگئی ہے کہ اس واقعے سے اجے دیوگن کا کوئی لینا دینا نہیں چونکہ اصل ملزم پولیس کی حراست میں ہے۔