امریکا اور چین میں سے کسی ایک کا انتخاب کرنے کے لیے دباؤ نہیں ڈالیں گے، انٹونی بلنکن

برسلز: امریکی وزیر خارجہ انٹونی بلنکن کا کہنا ہے کہ ہمارے اتحادی امریکا اور چین میں سے جس کا چاہیں انتخاب کر سکتے ہیں۔

غیر ملکی خبررساں ایجنسی کے مطابق امریکی وزیر خارجہ انٹونی بلنکن نے اپنا عہدہ سنبھالنے کے بعد اپنے پہلے یورپ کے دورے کے دوران  کہا ہے کہ چین مغرب کے لیے ایک چیلنج ہے لیکن پھر بھی ہم امریکا اور چین میں سے کسی ایک کو چننے کے لیے کسی یورپ ملک پر دباؤ نہیں ڈالیں گے۔

اس کے علاوہ اس موقع پر انھوں نے افغانستان سے غیر ملکی افواج کے اںخلا سمیت چین، ایران اور روس  سے متعلقہ مسائل اور دیگر عالمی امور پر بھی بات کی۔

امریکی وزیر خارجہ انٹونی بلنکن نے نیٹو ہیڈ کوارٹر میں خطاب کرتے ہوئے کہا کہ چین کے مسئلے پر ہم کوئی منفی رویہ اختیار نہیں کریں۔ ہم اپنے اتحادیو پر کسی ایک ملک کا انتخاب کرنے پر زور نہیں دیں گے۔

انکا مزید کہنا تھا کہ کہ ہمارے ساتھ اتحاد کرنے والے ممالک چین کے ساتھ بھی کام کر سکتے ہیں۔ خیال رہے کہ جوبائیڈن انتظامیہ چین کو مغرب کے لیے ایک بڑا چیلنج سمجھتی ہے۔