برازیلیا: (این پی جی میڈیا) برازیل میں پہلی مرتبہ روزانہ 3،000 کے قریب ہلاکتیں ہونے لگی ہیں جس کے بعد پورے ملک کی میں قیامت خیز منظر ہے۔
غیر ملکی خبر رساں ایجنسی کے مطابق ایک اندازے کے مطابق بتایا گیا ہے کہ برازیل میں روزانہ کے تین ہزار اموات رپورٹ ہورہی ہیں جس کے باعث ملک بھر کے اسپتالوں میں مریضوں کے لیے بھی جگہ ختم ہورہی ہے۔
برازیلین وزارت صحت نے پچھلے 24 گھنٹوں کے دوران 3،251 اموات ریکارڈ کیں ہیں جس سے برازیل کی مجموعی طور پر اموات 299،000 ہوگئیں ہیں۔
واضح رہے کہ گذشتہ روز برازیل میں دریافت ہونے والی کرونا وائرس کی نئی قسم پرانی اقسام کے مقابلے میں زیادہ خطرناک قرار دی گئی ہے۔
عالمی محققین کا کہنا ہے کہ پی 1 نامی کورونا وائرس کی یہ نئی قسم 2.2 گنا زیادہ خطرناک اور کووڈ سے پہلے بیمار ہونے والے افراد کی مدافعت کو 61 فیصد تک کم کرسکتی ہے۔
واضح رہے کہ تحقیق کے دوران نومبر 2020 سے جنوری 2021 کے دوران اس شہر میں کورونا وائرس سے بیمار ہونے والے افراد کے نمونوں سے وائرس کے جینیاتی سیکونس بنائے گئے۔