کولوراڈو: (این پی جی میڈیا) امریکی شہر کولوراڈو میں ایک سپر مارکیٹ میں فائرنگ کے نتیجے میں کم از کم 10 افراد ہلاک ہوگئے ہیں۔
غیر ملکی خبر رساں ایجنسی کے مطابق امریکی حکام کا کہنا ہے کہ اس واقعے میں زخمی ہونے والے ایک ملزم کو گرفتار کرلیا گیا ہے۔
امریکی پولیس کا کہنا ہے اس فائرنگ کے واقعے میں زخمی ہونے والوں میں ایک پولیس افسر بھی شامل ہے۔
زرائع کا کہنا ہے کہ اس فائرنگ کے واقعے کو یوٹیوب پر براہ راست دکھایا بھی گیا ہے۔
پولیس کا کہنا ہے کہ کاؤنٹی کے لئے یہ المیہ اور ایک ڈراؤنا خواب ہے ، اور اس کے جواب میں ہمیں مقامی ، ریاستی اور وفاقی حکام کا تعاون حاصل ہے۔
جبکہ دوسری جانب وائٹ ہاؤس کا اس واقعہ کے حوالے سے کہنا ہے کہ مسلح شخص کی جانب سے فائرنگ اور اس سے جانی نقصان کے بارے میں صدر جو بائیڈن کو آگاہ کر دیا گیا ہے۔