کورونا ویکسی نیشن میں برطانیہ سب سے آگے

لندن: کورونا ویکسی نیشن میں برطانیہ نے تمام ممالک کو پیچھے چھوڑ دیا۔

غیر ملکی خبررساں ایجنسی کے مطابق 2 کروڑ 76 لاکھ سے زیادہ برطانوی شہریوں نے کورونا کی پہلی بار ویکسی نیشن کروالی ہے جب کہ 23 لاکھ شہری کورونا ویکسین کی دو بار ویکسی نیشن کروا چکے ہیں۔

برطانیہ میں کورونا پر کافی حد تک قابو پا لیا گیا ہے جس کے باعث کورونا مریضوں کی تعداد میں تیزی سے کمی دیکھی جارہی ہے۔ گزشتہ روز 5300 نئے مریض سامنے آئے جب کہ 33 افراد کی اموات ہوئی ہیں۔

خیال رہے کہ برطانیہ میں کورونا وائرس سے انتقال کرنے والوں کی یہ تعداد گزشتہ سال اکتوبر کے بعد سے سب سے کم تعداد ہے۔