ٹوکیو: جاپان میں مشرقی ساحل ہونشو کے قریب 2۔7 شدت کے زلزلے نے لوگوں میں خوف و ہراس پھیلا دیا ۔ حکام نے زلزلے کے بعد وہاں کے رہنے والوں کو سونامی کے بڑے خطرے سے آگاہ کرتے ہوئے محفوظ مقام پر منتقل ہونے کی ہدایت کر دی ۔
واضح رہے کہ زلزلے کے جھٹکے ٹوکیو شہر میں بھی محسوس کیے گئے لیکن یہاں ریکٹر اسکیل پر شدت 3 ریکارڈ کی گئی ۔
انٹرنیشنل میڈیا کے مطابق جاپان میں ہفتے کی شام 6 بج کر 9 منٹ پر شمال مشرقی جاپان میں 2۔7 شدت کا زلزلہ آیا ۔ اتنی شدت کے زلزے کے بعد حکومت نے متاثرہ علاقے میں سونامی کی وارننگ جاری کر دی ہے ۔
میڈیا رپورٹ کے مطابق ابھی تک کسی جانی نقصان کی خبر موصول نہیں ہوئی تاہم بجلی کی فراہمی منقطع ہونے سے عوام کو مشکلات کا سامنا ہے ۔
سونامی کی وارننگ کے ساتھ ہی حکومت مقامی لوگوں کو کسی محفوظ مقام پر پہنچانے کا بندوبست کر رہی ہے ۔