اسلام آباد: پاکستان کی سفارتی کوششیں رنگ لے آئیں ، او آئی سی کی اسلاموفوبیا کے بڑھتے رجحان کیخلاف خصوصی مہم شروع ۔
میڈیا سے گفتگو کرتے ہوئے وزیر خارجہ شاہ محمود قریشی نے کہا کہ اسلاموفوبیا کا بڑھتا رجحان روکنے کیلئے وزیراعظم عمران خان نے آواز اٹھائی ، انہوں نے بتایا کہ پاکستان نے اسلاموفوبیا پر 15 مارچ کو عالمی دن منانے کی قرارداد پیش کی ، قرارداد وزرائے خارجہ کونسل کے اجلاس میں متفقہ طور پر منظور ہوئی ۔
وفاقی وزیر نے کہا کہ 15 مارچ کو عالمی سطح پر دن منانے کیلئے او آئی سی کوششیں کر رہا ہے ، او آئی سی کی جانب سے 15 مارچ کی حمایت مسلمانوں کی ترجمانی ہے ۔
انہوں نے کہا کہ او آئی سی گروپ کے زیر اہتمام 17 مارچ کو نیویارک میں اجلاس ہوگا ۔
اسلاموفوبیا کے رجحان سے منفی اثرات مرتب ہو رہے ہیں ، پاکستان نے بین المذاہب ہم آہنگی کی کوششوں کی حمایت کی ۔ 15 مارچ کا دن منانے سے غلط فہمیوں کے ازالے میں مدد ملے گی ، ہم بین المذہب اور ثقافتی ہم آہنگی کیلئے پُرعزم ہیں ۔