ڈسکہ(این پی جی میڈیا) عمران خان نے تحریک انصاف کے ڈسکہ امیدوار کو 20 پولنگ اسٹیشنز میں ری پولنگ کی درخواست کرنے کی ہدایت کردی ہے۔
میں نےہمیشہ آزادانہ و شفاف انتخابات کیلئے جدوجہدکی ہے۔اگرچہ الیکشن کمیشن کی جانب سےنتائج کےاعلان سےقبل اسکی کوئی قانونی حاجت نہیں مگر پھر بھی میں تحریک انصاف کےامیدوارسےگزارش کروں گا کہ وہ NA-75 ڈسکہ کےان 20 پولنگ اسٹیشنز جن پرحزب اختلاف واویلا کررہی ہے، میں دوبارہ پولنگ کا کہیں۔
— Imran Khan (@ImranKhanPTI) February 22, 2021
تفصیلات کے مطابق سماجی رابطے کی ویب سائٹ ٹوئٹر پر اپنے ایک بیان میں وزیراعظم عمران خان نے کہا ہے کہ ڈسکہ سے قومی اسمبلی کا ضمنی انتخاب لڑنے والے پی ٹی آئی امیدوار کو کہتا ہوں کہ وہ 20 پولنگ اسٹیشنز میں ری پولنگ کی درخواست کریں۔
ری پولنگ کی درخواست کرنے کی ہدایت کرتے ہوئے عمران خان نےکہا ہے کہ ہم سب شفافیت چاہتےہیں اس لئےسینیٹ الیکشن میں اوپن ووٹنگ کامطالبہ کیا ہے۔
ہم ہمیشہ آزادانہ اور شفاف انتخابی عمل کی تقویت کیلئےکوشاں رہیں گے مگر بدقسمتی سےدیگرجماعتوں میں اس حوالےسے سنجیدگی کا فقدان ہے۔ 2013 کے انتخابات کے بعد جب ہم نے 4 حلقے
کھلوانا چاہے تو اس کیلئے ہمیں 2 برس کی طویل اور صبرآزما جدوجہد سے گزرنا پڑا۔— Imran Khan (@ImranKhanPTI) February 22, 2021
وزیراعظم عمران خان نے اپنی ٹویٹ میں کہا کہ اپوزیشن نےڈسکہ کےنتائج پر غیرضروری رونا دھونا مچایا ہوا ہے۔
وزیراعظم نے مزید کہا کہ ہماری خواہش ہے کہ سینیٹ کا الیکشن اوپن بیلٹ کے ذریعے ہو اسلیئے ہم نے ہمیشہ صاف اور شفاف الیکشن کے انعقاد کا مطالبہ کیا ہے۔
لیکن بدقسمتی سے دوسروں نے اپنے وعدوں کی پاسداری نہیں کی اور جب ہم نے 2013ء میں صرف چار حلقے کھولنے کا مطالبہ کیا تو اسے تسلیم کرنے میں 2سال کا عرصہ لگا دیا گیا۔
بعد ازاں شبلی فراز نے ٹویٹ کرتے ہوئے کہا ہے کہ وزیراعظم نے 20 پولنگ سٹیشنز پر دوبارہ پولنگ کی پیشکش کردی ہے اور یہ پیشکش آزادانہ اور شفاف انتخابات کو یقینی بنانے کی جدوجہد کا مظہر ہے۔
شبلی فراز نے سماجی رابطے کی ویب سائٹ پر ٹویٹ کرتے ہوئے کہا کہ وزیراعظم پر انگلیاں اٹھانے والے شفافیت کی مخالفت کر رہے ہیں،اسلیئے اب ان کا دوغلا پن پوری قوم کے سامنے عیاں ہو چکا ہے۔