اسلام آباد(این پی جی میڈیا)ٹگ ماسٹر کو دل کی تکلیف کے باعث اسلام آباد ایئرپورٹ کے رن وے پر ٹریکٹر طیارے سے ٹکرا گیا۔
نجی ٹی وی چینل ہم نیوز کی رپورٹ کے مطابق ٹریکٹر اور طیارے کا تصادم اس وقت ہوا جب ٹگ ماسٹر جہاز کو رن وے پر لے جارہا تھا جبکہ ٹریکٹر کے ٹکرانے کے باعث پاکستان انٹرنیشنل ایئرلائن(پی آئی اے)کے طیارے کا وی ایچ ایف اینٹینا ٹوٹ گیا،دوسری جانب پی آئی اے کی جانب سے طیارے کے ساتھ ٹریکٹر ٹکرانے کی تصدیق کردی گئی ہے۔
اس سے قبل پی آئی اے کی کینیڈا جانے والی پروازوں کے 2فضائی میزبان مبینہ طور پر غائب ہوگئے جبکہ پی آئی اے کے ترجمان کی جانب سے کہا گیا کہ ایئر ہوسٹس کے لاپتہ ہونے کا علم 31جنوری اور فلائٹ سٹیورڈ کا پتہ 29جنوری کو چلا۔