سرینگر: آزادی کے متوالوں ، مظلوم کشمیریوں کو سلام ، پاکستان اور کشمیر سمیت دنیا بھر میں آج یوم یکجہتی کشمیر منایا جا رہا ہے۔
یوم یکجہتی کشمیر سے قبل سری نگر سمیت مختلف علاقوں میں کشمیریوں کا پاکستان سے والہانہ محبت اور عقیدت کا اظہار ، وزیراعظم عمران خان کی تصاویر والے پوسٹرز پر شکریہ پاکستان ، شکریہ عمران خان کی عبارت درج ، وزیراعظم کی جانب سے مسئلہ کشمیر عالمی فورمز پر موثر طریقے سے اٹھانے کو بھی سراہا گیا۔ مقبوضہ وادی میں مختلف مقامات پر پاکستان کے پرچم بھی لہرا دیے گئے۔
مقبوضہ کشمیر کے رہائشی سکھ رہنما نرندر سنگھ خالصہ نے بھی دنیا بھر میں کشمیریوں کا مقدمہ لڑنے پر پاکستان کا شکریہ ادا کیا۔ نرندر سنگھ خالصہ نے عالمی برداری سے مقبوضہ وادی کو بھارتی تسلط سے آزاد کروانے کے لیے کوششیں تیز کرنے کا مطالبہ کیا۔