کوالالمپور:پاکستان انٹر نیشنل ایئر لائن(پی آئی اے) کو ایک اور جھٹکا ،ملائیشیا نے بوئنگ 777طیارہ اپنے قبضے میں لے لیا۔
نجی ٹی وی چینل جیو نیوز کی رپورٹ کے مطابق پی آئی اے کی پرواز پی کے 895 کراچی سے آج کوالالمپور پہنچی تھی، کوالا لمپور میں مقامی حکام نے پی آئی اے کا طیارہ عدالتی احکامات پر قبضے میں میں لیا۔
ذرائع کا بتانا ہے کہ طیارے کی لیز کے واجبات ادا نہ کرنے پر ملائیشیا میں پی آئی اے کا طیارہ قبضہ میں لیا گیا۔
خیال رہے کہ پی آئی اے نے 2015 میں بوئنگ 777 طیارہ ویتنام کی کمپنی سے لیز پر حاصل کیا تھا۔