اسلام آباد: وزیراعظم عمران خان سے آرمی چیف جنرل قمر جاوید باجوہ کی ملاقات، ملاقات میں سانحہ مچھ کے ذمہ داروں کو انصاف کے کٹہرے میں لانے کا عزم کیا گیا۔
وزیراعظم آفس سے جاری بیان کے مطابق وزیراعظم عمران خان سے آرمی چیف جنرل قمر جاوید باجوہ نے ملاقات کی جس میں ڈی جی آئی ایس آئی لیفٹیننٹ جنرل فیض حمید بھی موجود تھے۔ ملاقات میں قومی سلامتی کی صورتحال پر تبادلہ خیال کیا گیا۔
Chief of Army Staff, General Qamar Javed Bajwa called on Prime Minister @ImranKhanPTI in Islamabad today.
Director General ISI Lt. Gen. Faiz Hamid was also present.
National security situation was discussed during the meeting. pic.twitter.com/Ry2tNs6Xyh
— Prime Minister's Office, Pakistan (@PakPMO) January 11, 2021
بیان میں کہا گیا کہ ملاقات میں سانحہ مچھ کی شدید مذمت کرتے ہوئے اس بات کا عزم کیا گیا کہ واقعے کے ذمہ داروں کو انصاف کے کٹہرے میں لایا جائے گا۔
ملاقات میں مقبوضہ جموں و کشمیر میں انسانی حقوق کی خلاف ورزیوں پر بھی گفتگو کی گئی جبکہ لائن آف کنٹرول پر سیز فائر کی بھارتی خلاف ورزیوں پر بھی غور کیا گیا۔
خیال رہے کہ گزشتہ تین ہفتوں کے دوران وزیر اعظم اور آرمی چیف کی یہ دوسری ملاقات ہے جو سانحہ مچھ کے قریبا دس روز بعد سامنے آئی ہے۔