اسلام آباد:(این پی جی میڈیا) متحدہ قومی موومنٹ پاکستان نے مطالبات ماننے کی صورت میں اپوزیشن کا ساتھ دینے کا عندیہ دے دیا۔
ذرائع کے مطابق پاکستان مسلم لیگ ن کے صدر شہباز شریف، پی ڈی ایم کے سربراہ فضل الرحمن کی قیادت میں اپوزیشن رہنماؤں پر مشتمل گروپ نے متحدہ قومی موومنٹ پاکستان کے سربراہ خالد مقبول صدیقی سے پارلیمنٹ لاجز میں ملاقات کی جہاں دونوں سائیڈز نے ملک میں سیاسی صورتحال کے ساتھ ساتھ تحریک عدم اعتماد پر بات کی۔
اپوزیشن ذرائع کے مطابق متحدہ قومی موومنٹ نے بعض مطالبات ماننے کی صورت میں تحریک عدم اعتماد میں ووٹ دینے کا عندیہ دے دیا ہے۔