لاہور:(این پی جی میڈیا) شہر اقبال لاہور میں سیاسی پنڈتوں نے ڈیرے ڈال لیے۔ وزیر اعظم عمران خان کی حکومت کو ختم کرنے کے لیے لائحہ عمل بنا لیا۔
تفصیلات کے مطابق لاہور کے بلاول ہاؤس میں پاکستان مسلم لیگ ن اور پاکستان پیپلز پارٹی کی اعلی قیادت میں ایک اہم میٹنگ جاری ہے۔ مستند ذرائع کے مطابق پاکستان مسلم لیگ کی اعلی قیادت میاں شہباز شریف کی قیادت میں بلاول ہاؤس پہنچی جہاں پر سابق صدر آصف علی زرداری اور بلاول بھٹو سمیت پیپلز پارٹی کی اعلی قیادت نے ان کا استقبال کیا۔ ذرائع سے یہ خبر بھی سامنے آئ ہے کہ دونوں جماعتوں کی اعلی قیادت نمبر گیم پر بھی ایک دوسرے کے ساتھ تبادلہ خیال کریں گے۔