اسلام آباد:(این پی جی میڈیا) پاکستان ڈیموکریٹک موومنٹ نے حکومت سے 2022 میں انتخابات کروانے کا مطالبہ کر دیا۔
تفصیلات کے مطابق آج مولانا فضل الرحمن کی زیر صدارت پی ڈی ایم کا سربراہی اجلاس ہوا جس میں اسٹیئرنگ کمیٹی کی تجاویز و سفارشات پیش کی گئیں۔ اجلاس میں غیر حاضر ارکان کو شوکاز نوٹس دینے کا فیصلہ کیا گیا۔ سربراہی اجلاس میں مولانا فضل الرحمن نے اسمبلی سے استعفے اور لانگ مارچ کرنے کی حمایت کر دی جبکہ حکومت سے مطالبہ کیا کہ وہ اگلے سال انتخابات کروائیں۔