اسلام آباد: شاہ محمود قریشی نے پاکستانیوں کو خوشخبری سناتے ہوئے کہا ہے کہ پاکستان اور کویت نے ویزا مسائل حل کرنے پر اتفاق کرلیا ہے۔
تفصیلات کے مطابق کویت کے وزیر خارجہ شیخ ڈاکٹر احمد نصیر المحمد نے وزیراعظم عمران خان اور وزیر خارجہ شاہ محمود قریشی سے ملاقاتیں کیں جس میں قریشی نے ان کو دوبارہ تقرری پر مبارک باد پیش کی جبکہ دوطرفہ تعلقات اور دیگر امور پر بھی تبادلہ خیال کیا گیا۔
کویت کے وزیر خارجہ شیخ ڈاکٹر احمد نصر المحمد الصباح کے ہمراہ ملاقات کے بعد میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ پاکستان اور کویت نے دوطرفہ تعلقات کو فروغ دینے ،تجارت بڑھانے اور طویل عرصہ سے حل طلب ویزا مسائل کو حل کرنے پر اتفاق کیا ہے جبکہ کویتی وزیر خارجہ نے کہا کہ پاکستان کی پالیسیاں سرمایہ کاری کے لئے انتہائی حوصلہ افزا ہیں۔
یادرہے کہ وزیر داخلہ شیخ رشید احمد نے بھی گزشتہ دنوں پاکستانیوں کو خوشخبری سناتے ہوئے کہا تھا کہ پاکستان اور کویت کے درمیان ویزا مسائل کو جلد حل کرلیا جائے گا۔