اسلام آباد: صدر مملکت ڈاکٹر عارف علوی کے کورونا ویکسین لگوانے کے بعد وزیراعظم عمران خان نے بھی ویکسین لگوا لی ہے۔
میڈیا رپورٹس کے مطابق وزیراعظم عمران خان نے کورونا کی تیسری لہر کے دوران اسلام آباد میں ویکسین لگوائی۔
وزیراعظم پاکستان عمران خان نے عوام سے یہ اپیل کی ہے کہ کورونا کی بڑھتی صورتحال کے پیش نظر کورونا سے بچاؤ کے احکامات پر مکمل طور پر عمل درآمد کیا جائے۔
وزیر اعظم عمران خان نے کورونا ویکسین لگوا لی۔
اس موقع پر وزیر اعظم نے قوم سے اپیل کی کہ کورونا کی تیسری لہر کے پیش نظر ایس اوپیز پر مکمل عمل درآمد کو یقینی بنایا جائے
ملک بھر میں کورونا ویکسین لگانے کی مہم جاری ہے pic.twitter.com/jZttUIYXLL
— Prime Minister's Office, Pakistan (@PakPMO) March 18, 2021
واضح رہے کہ اس وقت ملک بھر میں 60 سال اور اس سے زائد عمر کے افراد کو کورونا ویکسین لگائے جانے کا سلسلہ مسلسل جاری ہے۔ وزیراعظم عمران خان سے قبل صدر مملکت ڈاکٹرعارف علوی اور ان کی اہلیہ سمیت کئی دوسری اہم شخصیات بھی کورونا ویکسین لگوا چکی ہیں۔
ویکسی نیشن کا عمل ملک بھر میں ساٹھ سال یا اس سے زائد عمر کے شہریوں کے لیے جاری ہے۔ وکیسی نیشن کے حوالے سے رجسٹریشن کروانے کے لیے ہر شخص کو پہلے اپنے شناختی کارڈ کا نمبر 1166 پر ایس ایم ایس کرنا ہوگا۔
بعدازاں اس شخص کو ویکسی نیشن کیلئے پن کوڈ کیساتھ جوابی ایس ایم ایس آئے گا جس میں مقام اور تاریخ کے حوالے سے بھی آگاہ کیا جائے گا۔