اسلام آباد: ایئر مارشل ظہیر احمد بابر پاک فضائیہ کے نئے سربراہ مقرر ، وزیراعظم عمران خان نے اُن کی تقرری کی منظوری دے دی ۔
آئی ایس پی آئی کے مطابق پاک فضائیہ کے نئے سربراہ ظہیر احمد بابر ایئر چیف مارشل کے عہدے پر فائز ہوں گے ، نئے سربراہ 19 مارث کو عہدہ سنبھالیں گے ۔
اس سے قبل پاک فضائیہ کے سربراہ ایئرمارشل مجاہد انور خان نے جی ایچ کیو راولپنڈی میں آرمی چیف جنرل قمر جاوید باجوہ سے الوداعی ملاقات کی ، ملاقات میں باہمی دلچسپی اور مسلح افواج کے پیشہ وارانہ امور پر بات چیت کی گئی ۔
اس موقع پر آرمی چیف نے ایئر چیف مارشل مجاہد انور خان کی شاندار خدمات کو سراہا ، بالخصوص آپریشن سوئفٹ ریٹارٹ کے دوران ایئرچیف کی قائدانہ و پیشہ وارانہ صلاحتیوں اور دہشتگردی کے خلاف جنگ میں تعاون کی تعریف کی ۔