لاہور: آرمی چیف جنرل قمر جاوید باجوہ کا لاہور کور کا دورہ ، آرمی چیف کو فارمیشن کی آپریشنل تیاریوں پر بریفنگ دی گئی ۔
آئی ایس پی آر کے مطابق آرمی چیف نے فوجی جوانوں سے گفتگو کی اور چھوٹے ہتھیاروں سے فائرنگ کا مشاہدہ کیا ۔ جنرل باجوہ نے فوجی جوانوں کی پیشہ ورانہ مہارت اور تربیت کے اعلیٰ معیار کو سراہا ۔
آئی ایس پی آر کے مطابق آرمی چیف نے افسروں ، جوانوں کو اپنے پیشے پر فوکس رہنے کی تلقین کی ، انہوں نے افسروں ، جوانوں کو بدلتے خطرے سے باخبر رہنے کی تاکید بھی کی ۔
جنرل قمر جاوید باجوہ نے کہا کہ پیشہ ورانہ مہارت اور اعلیٰ تربیت چیلنجز کے خلاف جواب دینے کو یقینی بناتے ہیں ۔