لاہور: (این پی جی میڈیا) لاہور کی نجی یونیورسٹی میں گذشتہ روز ہونے والے ایک واقعے نے تہلکہ مچارکھا ہے جس پر سیاستدانوں کی بھی متضاد ردعمل بھی آنے لگے ہیں۔
تفصیلات کے مطابق گذشتہ روز سوشل میڈیا پر لاہور کی ایک نجی یونیورسٹی کی لڑکی کی لڑکے کو شادی کی پیشکش کرتے وقت کی ویڈیو وائرل ہوئی تھی جس کے بعد یونیورسٹی نے دونوں کو نکال دیا تھا، اسی حوالے سے فواد چودھری بھی بول اٹھے ہیں۔
مرضی سے شادی ہر لڑکی کا بنیادی حق ہے، اسلام عورتوں کو جو حقوق دیتا ہے مرضی کی شادی ان حقوق میں مرکزی حیثئیت رکھتی ہے یونیورسٹی انتظامیہ اپنے فیصلے پر نظرثانی کرے، لڑکیوں کو پراپرٹی سمجھنا اسلام کے خلاف ہے
— Ch Fawad Hussain (@fawadchaudhry) March 15, 2021
وفاقی وزیر برائے سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر کہا ہے کہ مرضی سے شادی ہر لڑکی کا بنیادی
حق ہے،اور اسلام عورتوں کو جو حقوق دیتا ہے مرضی کی شادی ان حقوق میں مرکزی حیثئیت رکھتی ہے۔
فواد چودھری نے اپنی ٹویٹ میں مزید کہا ہے کہ یونیورسٹی انتظامیہ اپنے فیصلے پر نظرثانی کرے۔
وفاقی وزیر برائے سائنس اینڈ ٹیکنالوجی فواد چوہدری نے مزید کہا ہے کہ لڑکیوں کو پراپرٹی سمجھنا اسلام کے خلاف ہے۔
فواد چودھری کی جانب سے اس قسم کی ٹویٹ کے بدع صارفین کی بڑی تعداد اس ٹویٹ پر امڈ آئی ہے اور کوئی تنقید کا نشانہ بنا رہا ہے تو کوئی حمایت کررہا ہے۔