آئندہ 24 گھنٹوں میں خیبر پختونخوا، بالائی پنجاب، اسلام آباد میں بارش کا امکان

اسلام آباد :کشمیر ، بالائی خیبر پختونخوا اور گلگت بلتستان میں بارش اور برفباری سے جاتی سردی لوٹ آئی ۔

محکمہ موسمیات کے مطابق سب سے زیادہ بارش پاراچنار ، کالام ، دروش ، چترال راولا کوٹ اور اسکردو میں ریکارڈ کی گئی ، ٹیکسلا اور واہ کینٹ میں بھی موسلادھار بارش سے موسم سرد ہوگیا ۔

آئندہ چوبیس گھنٹے کے دوران خیبر پختونخوا ، بالائی پنجاب ، اسلام آباد ، کشمیر اور گلگت بلتستان میں تیز ہوائیں چلنے اور بارش کا امکان ہے ، پہاڑوں پر برفباری بھی ہوسکتی ہے ۔

ادھر بالائی علاقوں میں سردی کی شدت برقرار ، لہہ منفی 4 ، کالام منفی 3 ، گوپس منفی 1 ڈگری سینٹی درحرارت کے ساتھ سرد ترین مقامات رہے ۔