لاہور: (این پی جی میڈیا) عالمی وبا کرونا وائرس کی ابھرتی ہوئی تیسری لہر کے باعث کھیلوں کی سرگرمیاں، جشن بہاراں اور دیگر عوامی اجتماعات پر 2 ہفتے کی پابندی عائد کرنے کا فیصلہ کیا گیا ہے۔
میڈیا رپورٹس کے مطابق دودھ، دہی کی دکانیں، میڈیکل اسٹورز اور تندوروں کے علاوہ تمام مارکیٹس اور بازار مغرب تک بند کرنے کا فیصلہ کیا گیا ہے۔ ریسٹورنٹس سے صرف کھانا لے جانے کی اجازت ہوگی، اس کے علاوہ شادی ہالز، مزارات اور سینما ہالز بھی دو ہفتے کے لیے مکمل طور پر بند رکھے جائیں گے۔
تاہم رپورٹ کے مطابق پارکس شام 6 بجے جبکہ دفاتر میں 50 فیصد سٹاف گھر سے اور بقیہ 50 فیصد کو دفتر میں کام کرنے کی اجازت ہوگی۔
حکومت کی جانب سے کیے گئے فیصلے کے مطابق پبلک ٹرانسپورٹ خصوصاً میٹرو بس سروس اور اورنج لائن میٹروٹرین کیلئے مسافروں کی تعداد ایس او پیز کے مطابق محدود رکھی جائے گی۔
محکمہ پرائمری وسکینڈری ہیلتھ ان تمام پابندیوں کے حوالے سے باقاعدہ ایک نوٹیفیکیشن جاری کرے گا۔
واضح رہے کہ جن شہروں میں کورونا کیسز کی شرح 5 فیصد سے زائد ہے ان میں فیصلوں کا اطلاق اتوار کے روز سے کیا جائے گا جس کے بعد یہ پابندیاں اگلے دو ہفتے تک مکمل جاری رہیں گی۔
ان اضلاع میں تمام تعلیمی ادارے، پارکس، ان ڈور شادی ہال، مزارات، میلے، کھیلوں کی سرگرمیوں وغیرہ پر 15 دن کےلیے پابندی ہو گی۔
مارکیٹس شام 6 بجے بند کر دی جائیں گی۔سمارٹ لاک ڈاؤن SOPs پر بھی سختی سےعملدرآمد کےاحکامات دئیےہیں۔
اس حوالےسے تفصیلی نوٹیفکیشن محکمہ صحت جاری کرے گا۔ 2/3 pic.twitter.com/4Cbl2CF6F1
— Usman Buzdar (@UsmanAKBuzdar) March 12, 2021