لاہور: پاکستان مسلم لیگ ن کی نائب صدر مریم نواز نے الزام عائد کیا ہے کہ ہمارے سینیٹرز کو پی ڈی ایم امیدوار کو ووٹ نہ دینے کیلئے دبائو ڈالا جارہا ہے۔
تفصیلات کے مطابق سابق وزیراعظم میاں نواز شریف کی صاحبزادی اور پاکستان مسلم لیگ ن کی نائب صدر نے سماجی رابطے رابطے کی ویب سائٹ ٹوئٹر پر پیغام جاری کرتے ہوئے اس بات کا انکشاف کیا کہ ہمارے سینیٹرز کو ٹیلی فون کرکے کہا جارہا ہے کہ (پی ڈی ایم)پاکستان ڈیمو کریٹک موومنٹ کے امیدوار یوسف رضا گیلانی کو ووٹ نہ دیں۔
مریم نواز کی جانب سے کہا گیا کہ ثبوت کے طور پر کچھ کالز کو ریکارڈ کرلیا گیا ہے۔
Our senators are being called and asked not to vote for PDM candidate. Some of them have recorded the evidence.
— Maryam Nawaz Sharif (@MaryamNSharif) March 11, 2021
واضح رہے کہ سینیٹ میں چیئرمین کی نشست پر صادق سنجرانی اور یوسف رضا گیلانی کے درمیان مقابلہ ہوگیا جس کے لئے حکومت اور اپوزیشن اتحاد(پی ڈی ایم) کی جانب سے جوڑ توڑ شروع کردیا گیا ہے۔
سینیٹ کے نومنتخب اراکین کل 12مارچ کو حلف اٹھائیں گےجبکہ ریٹائر ہونے والے سینیٹرز کی مدت آج ختم ہوچکی ہے، جبکہ کل دوپہر کو چیئرمین اور ڈپٹی چیئرمین سینیٹ کا انتخاب کیا جائے گا۔
12 مارچ کو صبح نئے بننے والے سینیٹر حلف اٹھائیں گے اور دوپہر کو چیئرمین اور ڈپٹی چیئرمین سینیٹ کا انتخاب ہو گا۔