سیالکوٹ(این پی جی میڈیا)الیکشن کمیشن آف پاکستان نے کہ کہا ہے کہ پنجاب کے انتخابی حلقے این اے 75 ڈسکہ میں ضمنی الیکشن 18 مارچ کو ہوں گے۔
تفصیلات کے مطابق الیکشن کمیشن نے این اے پچھتر ڈسکہ میں دوبارہ ضمنی انتخاب کی تاریخ دے دی، ڈسٹرکٹ ایجوکیشن اتھارٹی کی جانب سے کہا گیا ہے کہ حلقے میں 21 پولنگ اسٹیشنز پر نیا عملہ کام کرے گا۔
ڈی ای اے کے مطابق 339 پولنگ اسٹیشنز پر 19 فروری والا عملہ کام کرے گا، ڈیوٹی آرڈر کی اطلاع واٹس ایپ کے ذریعے کر دی گئی ہے، پولنگ اسٹیشن نمبر 346 کا پریذائیڈنگ افسر بھی تبدیل کر دیا گیا ہے۔
خیال رہے کہ دوسری جانب جن 21 پولنگ اسٹیشنز پر عملہ تعینقات کرنے کا فیصلہ کیا گیا ہے وہاں محکمہ تعلیم کا عملہ تعینات کرنے کا بھی فیصلہ کیا گیا ہے۔
خیال رہے کہ الیکشن کمیشن نے این اے 75 کا ضمنی الیکشن کالعدم قرار دیا تھا۔ الیکشن کمیشن کے فیصلے کو پی ٹی آئی امیدوار اسجد ملہی نے چلینج کر دیا تھا۔