اسلام آباد: (این پی جی میڈیا) پاکستان کے سپہ سالار سے برطانوی چیف آف ڈیفنس اسٹاف نے ملاقات کی ہے اور اس ملاقات نے بھارتی مورچوں میں کھلبلی مچا دی ہے۔
تفصیلات کے مطابق پاک فوج کے شعبہ تعلقات عامہ (آئی ایس پی آر) نے ایک بیان جاری کیا ہے جس کے مطابق ملاقات میں افغان مفاہمتی عمل سمیت عالمی جیو اسٹریٹجک ماحول پر بات چیت ہوئی۔
اس حوالے سے آئی ایس پی آر کا کہنا ہے کہ پاک برطانیہ سیکیورٹی و دفاعی تعاون سے متعلق امور پر بھی بات چیت ہوئی ہے۔
تفصیلات میں یہ بات بھی سامنے آئی ہے کہ آئی ایس پی آرنے کہا ہے کہ جنرل نکلس نے آرمی چیف سے ملاقات میں باہمی دفاعی، سیکیورٹی تعاون کو فروغ دینے پر زور دیا اور خطےمیں امن کیلئے پاکستان کی کوششوں کوسراہا ہے۔
علاوہ ازیں برطانوی جنرل نے خطے کے امن و استحکام کے لیے پاکستان کی مسلسل کوششوں کو تسلیم کیا اور دونوں ملکوں کے دو طرفہ تعلقات کے فروغ کے عزم کا اعادہ کیا۔
واضح رہے کہ اس سے قبل گذشتہ روز آرمی چیف جنرل قمر جاوید باجوہ سے امریکی نمائندہ خصوصی برائے افغانستان زلمے خلیل زاد نے ملاقات کی تھی۔