لاہور: چیئرمین پیپلز پارٹی بلاول بھٹو زرداری اور حمزہ شہباز کی ملاقات کی اندرونی کہانی سامنے آگئی ، بلاول نے پنجاب میں ن لیگ کو ہر طرح کے تعاون کی یقین دہانی کروا دی ۔
تفصیلات کے مطابق بلاول بھٹو زرداری نے حمزہ شہباز شریف کی استقامت سے جیل کاٹنے کی تعریف کی جبکہ لیگی رہنما نے من و عن پی ڈی ایم کے فیصلوں کو قبول کرنے کی یقین دہانی بھی کروائی ۔
دوسری جانب اسلام آباد میں مسلم لیگ ن کی نائب صدر مریم نواز کی سربراہی میں پارٹی کا اہم مشاورتی اجلاس جاری ہے ۔
اجلاس میں لانگ مارچ ، پی ڈی ایم کے سربراہی اجلاس میں مسلم لیگ ن کے موقف کے حوالے سے لائحہ عمل زیر غور ہیں ، وزیر اعظم عمران خان اور وزیر اعلیٰ پنجاب عثمان بزدار کے خلاف تحریک عدم اعتماد سمیت سیاسی امور پر مشاورت کی جا رہی ہے ۔
اس کے علاوہ اجلاس میں گزشتہ روز لیگی رہنماؤں کے ساتھ پی ٹی آئی کارکنوں کی بدسلوکی کی مذمت بھی کی جائے گی ۔