اسلام آباد: ڈی چوک پر پاکستان تحریک انصاف کے کارکنوں کا لیگی رہنماؤں پر حملہ ، احسن اقبال کو جوتا اور مصدق ملک کو تھپڑ مار دیا ۔
تفصیلات کے مطابق احسن اقبال بھی جوتا کلب میں شامل ہوگئے ، پارلیمنٹ ہاؤس کے باہر ن لیگ کے رہنما احسن اقبال پر جوتا پھینکا گیا جبکہ مصدق ملک کو پی ٹی آئی کے رکن نے تھپڑ مار دیا ۔
Ahsan Iqbal getting hit by a shoe! pic.twitter.com/oGlkjlmVMP
— Virk Shahzaib (@VirkSh786) March 6, 2021
سابق وزیرداخلہ پر جوتا پھینکنے کی ویڈیو سوشل میڈیا پر تیزی کے ساتھ وائرل ہورہی ہے۔
ڈی چوک پر ہنگامہ آرائی کا واقعہ ، ن لیگ کی رہنما مریم مریم اورنگزیب نے کہا کہ آج کدھر ہے وزیر داخلہ جو کہتے تھے یہاں کوئی نہیں آسکتا ۔
PTI Vs PMLN – The assault video on #PMLN leaders at D-Chawk. #Islamabad #VoteOfConfidence pic.twitter.com/2ScK4umERa
— Islamabad (@Islaamabad) March 6, 2021
ترجمان ن لیگ نے کہا آج پتا چل گیا ملک میں وزیر اعظم نہیں ، ایک عورت کو کمزور سمجھ کر انہوں نے کرائے کے غنڈوں سے حملہ کرایا ، کرائے کے غنڈے چلے گئے اب کرائے کے وزیراعظم کو بھی چلے جانا چاہیے ۔
مصدق ملک بولے ، کس نے اجازت دی کہ ماؤں ، بہنوں کو گالیاں دی جائیں ، جب بہنوں کے ڈوپٹے کھینچے گئے کہاں تھی مدینہ کی ریاست ۔
شاہد خاقان عباسی نے کہا یہ کرائے کے غنڈے لانا چھوڑ دو ، ہم نہیں ڈرتے ، ہم نے شرافت سے سیاست کی ، لیگی رہنما نے چیلنج دیا کہ میدان حاضر ہے ، عوام حاضر ہے ، آؤ مقابلہ کرو ۔