اسلام آباد: (این پی جی میڈیا) پاکستان تحریک انصاف کے رہنما اور حالیہ سینیٹ الیکشن میں سینیٹر منتخب ہونے والے فیصل واوڈا نے اینکر پرسن سعدیہ افضال سے شادی کر لی۔ اور سینیٹ الیکشن کے میں اس بات کی تصدیق بھی ہو گئی۔
تفصیلات کے مطابق فیصل واوڈا نے سینیٹ الیکشن میں کاغذات نامزدگی میں سعدیہ افضال کو اپنی دوسری بیوی کے طور پر ظاہر کیا ہے۔
الیکشن جیتنے کے بعد سعدیہ افضال نے ایک ٹوئٹ کرتے ہوئے فیصل واوڈا کو مبارک باد دی اور لکھا‘‘ سینیٹر صاحب آپ کو بہت مبارک ہو ’’ اور ساتھ ہی دل کا ایموجی بھی بنایا۔
Congratulations Senator Sahab!!! ❤️@FaisalVawdaPTI pic.twitter.com/Dv4AYEkeLD
— Saadia Afzaal (@SaadiaAfzaal) March 3, 2021
اس ٹوئٹ کے بعد سوشل میڈیا پر ان کی شادی کے چرچے شروع ہو گئے اور ٹوئٹر صارفین نے اپنے خیالات کا اظہار بھی کیا۔
صارفین نے کہا کہ فیصل واوڈا اور سعدیہ افضال نے شادی کر لی ہے اور انہوں نے فیصل واوڈا کو سینیٹر منتخب ہونے اور شادی کی اکٹھی مبارک باد بھی دی۔ تاہم ابھی دونوں کی جانب سے اس کی تصدیق یا تردید نہیں ہوئی لیکن غالب گمان یہی ہے کہ دونوں نے شادی کر لی ہے۔
خیال رہے کہ فیصل واوڈا کی پہلی بیوی انزال واوڈا سے ان کی تین بیٹیاں بھی ہیں۔