استنبول: (این پی جی میڈیا) ترکی میں فوجی ہیلی کاپٹر گر گیا ہے جس کے نتیجے میں 9 فوجی ہلاک ہوگئے ہیں۔
غیر ملکی خبر رساں ایجنسی کے مطابق ترکی کی وزارت دفاع کا کہنا ہے کہ مشرقی ترکی میں گرنے والے ہیلی کاپٹر حادثے میں نو بہادر فوجی شہید اور چار زخمی ہوگئے ہیں۔
تفصیلات کے مطابق ترک وزار دفاع نے بتایا ہے کہ کوگر ہیلی کاپٹر کی بن گیول ائیر پورٹ سے فلائٹ کے بعد مقامی وقت کے مطابق 2 بج کر 25 منٹ پر کنٹرول ٹاور کا ہیلی کاپٹر سے رابطہ منقطع ہو گیا تھا۔
#UPDATE – Turkey: 10 soldiers martyred in military helicopter crash
Cougar-type helicopter crashes in Tatvan district of eastern Bitlis province, says National Defense Ministry#Turkey #helicoptercrashhttps://t.co/lEXMthy4TE pic.twitter.com/0TEpFdxGaz
— ANADOLU AGENCY (ENG) (@anadoluagency) March 4, 2021
حادثے میں ہونے والے زخمی فوجیوں کو فی الفور ہسپتال منتقل کر دیا گیا ہے۔
جبکہ سرچ اور ریسکیو ٹیمیں برفباری اور دھند میں بھی ریسکیو آپریشن جاری رکھے ہوئے ہے۔
ترک حکام نے سی این 235 ہوائی جہاز اور ایک ہیلی کاپٹر پر مشتمل ایک سرچ اینڈ ریسکیو پارٹی فوری طور پر روانہ کردی ہے۔
اطلاعات ہیں کہ حادثہ خراب موسم کی وجہ سے پیش آیا ہے۔
خیال رہے کہ ترکی کے صوبے بٹلیس کا شہر تتیوان ایک ایسا علاقہ ہے جہاں ترک فوج کالعدم کردستان ورکرز پارٹی (پی کے کے) کے ممبروں کے خلاف کاروائیاں کرتی رہی ہے۔