لاہور: سینیٹ الیکشن میں اپنے والد کی کامیابی کے لیے یوسف رضا گیلانی کے بیٹے علی موسیٰ گیلانی کی ووٹ خریدنے کی ویڈیو منظر عام پر آگئی ۔
ویڈیو میں علی موسیٰ گیلانی پی ٹی آئی رکن قومی اسمبلی سے ووٹ خریدنے کی بات کر رہے ہیں ۔ ویڈیو میں علی موسی گیلانی پی ٹی آئی ایم این اے کو ووٹ ضائع کرنے کا طریقہ بتا رہے ہیں ۔
میڈیا رپورٹ کے مطابق علی موسیٰ گیلانی کی ووٹ خریدنے کی یہ ویڈیو گزشتہ ہفتے کی ہے ۔
یاد رہے کہ پی پی رہنما یو سف رضا گیلانی پی ڈی ایم کے قومی اسمبلی میں مشترکہ امیدوار ہیں ۔
خیال رہے کہ اس سے قبل سندھ اسمبلی میں پی ٹی آئی اراکین نے اس بات پر ہنگامہ آرائی کی تھی کہ پیپلز پارٹی نے اُن کے ارکان اسمبلی کو خرید لیا ہے ۔
اس حوالے سے میڈیا سے گفتگو کرتے ہوئے حلیم عادل شیخ نے کہا تھا کہ زرداری مافیا چور ہے ، انہوں نے پیسے دے کر منحرف اراکین کو خریدا ہے ۔ سندھ اسمبلی میں خرید و فروخت کرنے والوں کی بھرپور مذمت کرتا ہوں ۔
Video Proof of Ali Haider Gillani showing MNA's how to waste their vote to favour Yousaf Raza Gillani in senate election. For Pakistani resistance these are the so called guardians of democracy in Pakistan.pic.twitter.com/lQntz99Auk
— Musa (@MusaNV18) March 2, 2021
انہوں نے مزید کہا کہ میرا دل چاہ رہا تھا انہیں بے نقاب کروں ، انہوں نے آج جو حرکت کی اس پر سندھ رو رہا ہے ۔ آج پاکستان کی تاریخ کا سیاہ دن ہے ۔
تحریک انصاف کے رہنما نے کہا کہ پیپلز پارٹی والوں نے اسلم ابڑو ، شہریار شر اور کریم گبول کو اغوا کیا جبکہ برہان چانڈیو اور تیمور تالپور نے دہشت گردی کا مظاہرہ کیا ۔ انہوں نے کہا کہ اگر پیپلز پارٹی اراکیں کی جانب سے تشدد کا راستہ نہیں چھوڑا گیا تو اُن کے خلاف ایف آئی آر درج کرائیں گے ۔
حلیم عادل شیخ نے کہا کہ پیپلز پارٹی کے نااہل لوگ سندھ اسمبلی میں ہیں ، آج ثابت ہوگیا کہ بلاول بھٹو بے نظیر کے بیٹے نہیں اور نہ ہی وہ ذوالفقار علی بھٹو کے جانشین ہیں وہ تو صرف آصف علی زرداری کے بیٹے ہیں ۔